Bella Napoli

Það er engin borg eins og Napolí. Vandamál með rusl er reyndar ekki bara bundið við Napolí heldur alla Campania. Þetta er gamalt vandamál og á rætur allt aftur til 1994.

Það eru ýmsar ástæður fyrir þessum vandamálum. Þessar helstar:

a) Það tekur of langan tíma að útbúa nýja ruslahauga í staðin fyrir þá sem hafa verið lokaðir.

b) Endurvinnslustöðvar eru ekki að virka og því þarf að urða megnið af sorpinu sem berst í þær. Athyglisvert að það eru 7 endurvinnslustöðvar í Campania og þær eru allar reknar af fyrirtæki sem heitir Impregilo (Kannast einhver við það nafn).

c) Það hefur tafist að skipuleggja og byggja brennslustöðvar. Það er talið að la Camorra eigi þátt í þeirri töf (La Camorra er mafían í Napolí).

d) Mjög lítið af rusli í Campania er flokkað eða um 10% sem er langt undir meðaltalinu á Ítalíu sem er 25%.

Það einkennilegasta af öllu er að það kostar um 290 til 1000 evrur að eyða tonni af sorpi í Campania en það kostar um 215 evrur að flytja tonn af sorpi til Þýskalands og eyða því þar.

Napólí drukknar í sorpi

McCain v Clinton?

Það verður áhugavert að sjá hvaða áhrif niðurstaðan í Iowa hefur á væntingar fólks til frambjóðenda. Ég er farinn að setja mig í spor Völvunnar og spá því að forsetakosningarnar verði á milli McCain og Clinon. Enn virðast mestar líkur á því að Clinton verði frambjóðandi Democrata en það er meiri óvissa hjá Republicunum. Það virðist þó vera að McCain sé að sækja mest í sig veðrið og hann virðist vera að fá atkvæði frá Giuliani og jafnvel frá Huckabee. Hef verið að fylgjast aðeins með umræðunni á CBS og CNN.

Þetta eru þær upplýsingar sem að IEM framvirkir markaðir eru að gefa okkur:

2008 US Democratic National Convention Market 

2008 US Republican National Convention Market

 

 

Biskupinn og siðferðið

Eftirfarandi er tekið úr nýárspredikun biskups ríkiskirkjunnar: "Mér virðist sem við séum flest sammála um að vilja byggja á umburðarlyndi, jafnrétti, lýðræði, umhyggju, og virðingu fyrir manngildi, eins og sett er fram í markmiðsgrein frumvarps til nýrra laga um skólana. Þetta eru góð og eftirsóknarverð verðmæti sem við viljum lifa eftir og láta móta samfélag okkar, uppeldi, menntun og menningu. En þau eru ekki sjálfsprottin af einhverri sögulegri nauðsyn eða þróun. Þau spretta úr jarðvegi trúar og siðar"

Ég hef aldrei séð mikið ritað um jafnrétti né lýðræði hvorki í gömlu né nýju biblíunni. Jesú hefur hins vegar ágætis leiðbeiningar handa okkur um hvernig koma skuli fram við þræla í nýja testamentinu. Jafnrétti og lýðræði er komið til okkar í beinu framhaldi af upplýsingunni og er hér ekki fyrir tilstuðlan kirkjunnar.

Lýðræði krafðist þess að algjört vald konunga sem þeir áttu að hafa frá guði yrði afnumið. Kirkjan barðist geng þeim breytingum. Jafnrétti krafðist þess að allir greiddu skatta og færu eftir sömu reglum en kirkjan var lengi vel undanþegin skatti í flestum Evrópulöndum og ýmsar  sérreglur giltu um kirkjuna og hennar þjóna. Þar er alger fjarstæða að jafnrétti hafi verið eitthvað sérstakt baráttumál kirkjunnar. Ég vil minna fólk á afstöðu kirkjunnar til jafnrétti kvenna.

Það að halda því fram að við eigum að þakka kirkjunni fyrir lýðræði og jafnrétti er fáránleg sögufölsun.

Biskupi er bent á kafla 4 "Eru trúarbrögð forsenda siðferðis?" úr bókinni Stefnur og straumar í siðfræði eftir James Rachels. Bókin er gefin út af Siðfræðistofnun og þýdd af Jóni Á. Kalmannssyni. Þetta rit er ágætt fyrir byrjendur í siðfræði og ætti að vera kennt í grunnskólum.

GA 

Huckabee v Giuliani

Það er rétt að hann dragi á en enn eru mestar líkur á að Giuliani vinni þetta. Ég treysti þessum markaði betur en skoðanakönnunum.

 

Huckabee orðinn jafn Giuliani

Rutelli og Casini rífast í beinni

Ég var að tala við Stefán hálfbróður minn. Hann er nýkominn frá Moldavíu. Ástandið í Moldavíu er ekki gott að hans sögn er "Albanía velferðarríki miðað við Moldavíu".

Er að horfa á Porta a Porta á RAI 1. Rutelli og Casini eru að rífast. Þetta eru klárlega framtíðarleiðtogar vinstir og hægri á Ítalíu. Massívir stjórnmálamenn. Vandamálið á Ítalíu er að landið er gamalt í hugsun. Meðalaldurinn er hár og ungt fólk fær ekki tækifæri. Rutelli (54) og Casini (52) eru ungliðarnir í ítalskri pólitík. Vonandi komast þeir að fyrir sextugt, hver veit.

Nýr kennslu- og rannsóknarsamningur

Það eru fleiri góðar fréttir frá Akureyri í dag. "Nýr kennslu- og rannsóknarsamningur milli skólans og menntamálaráðuneytisins var undirritaður á ársfundi skólans sem haldinn var í dag". Gott mál. Ég vil hins vegar fara að sjá hreyfingu á umræðu um rekstrarform skólans. Ég vil sjá hann fá aukið sjálfstæði og alls ekki að hann verði áfram ríkisstofnun. Það þarf að hafa hlutafélag utan um rekstur skólans til að gera honum auðveldara að keppa við aðra skóla á íslandi og útlöndum.

Jafnrétti á Akureyri

Það eru góðar fréttir frá Akureyri. Svo virðist sem að launamunur milli kynjanna sé minni hjá Akureyrarbæ en öðrum sveitarfélögum. Þetta eru góðar fréttir og veitir ekki af eftir alla niðurlæginguna sem sveitarfélagið varð fyrir í frægum dómsmálum. Svo virðist sem þessi árangur hafi náðst með því að fella í burtu ákveðnar tegundir af aukagreiðslum sem fyrst og fremst virðast hafa farið til karlmanna.

Þetta eru góðar fréttir og bæjarstjórnin á skilið hrós fyrir þetta.

Ég heyri hins vegar talsvert af því að starfsmenn Akureyrarbæjar séu óánægðir með launin sýn. Núna síðast heyrði ég í gæslumanni sem starfar á erfiðu sambýli hjá bænum og hann sagði að launin sýn hefðu verið lækkuð um 30%. Enda sagði Sigrún í sjónvarpsfréttunum að þetta hefði ekki verið átakalaust að breyta.

fimm stjörnur fyrir bæjarstjórnina á Akureyri vegna þessa máls en bærinn má hins vegar ekki notfæra sé það um of að Eyjafjörðurinn er láglaunasvæði.

Bæjarstjóri kallar unga sjálfstæðismenn dóna.

Sigrún Björk Jakobsdóttir bæjarstjóri sýnir leiðtogahæfileika sína í aðsendri grein í mogganum 4. október. Þar svarar hún harkalegri gagnrýni ungra sjálfstæðismanna á vinnubrögð meirihlutans í bæjarstjórn með því að segja að þeir séu dónar og að þeir eigi bara að mæta á bæjarmálafundi þar sem þeir eru víst hættir að mæta. Reyndar er mér sagt að það séu ekki bara ungir sjálfstæðismenn sem eru hættir að nenna að mæta á þessa fundi. Ragnar Sigurðsson formaður Varðar segir í sjónvarpsviðtali í tíufréttum ríkissjónvarpsins þann 1. október að þetta sé "dropinn sem fyllti mælinn". Það bendir til þess að það sé eitthvað fleira sem er að angra unga en þessi eina skipan í nefnd. Það er ekki hægt að túlka viðbrögð bæjarstjórans við óánægju ungra öðruvísi en svo að hún telji sig  ekki þurfa á stuðningi þeirra að halda.

María Egilsdóttir varabæjarfulltrúi sjálfstæðismanna sá engan annan kost en að segja sig frá öllum trúnaðarstörfum fyrir flokkinn. Ástæðan fyrir þessu er sú að hún var óánægð með vinnubrögðin innan meirihlutans. Sérstaklega fékk hún þó tækifæri til þess að kynnast vinnubrögðunum náið í afgreiðslu á Sómatúnsmálinu svokallaða.

Eitthvað segir mér að óánægja Maríu og ungra sé af sömu rótum sprottin.

Sigrún fær fjóra banana fyrir hæfileika sína til þess að miðla málum og lægja öldur innan flokksins.

Samgönguráðuneytið skammar Vegagerðina fyrir það að fara eftir óskum Samgönguráðuneytisins.

Vegagerðin hefur nú þegar greitt  400 milljónir fyrir verkefni sem aðeins var áætlað að setja í þá fjármuni sem fengust við sölu á Sæfara eða eins og segir í skýringum með fjárlagafrumvarpi “að selja Grímseyjarferjuna m/s Sæfara og ráðstafa andvirðinu til kaupa eða leigu á annarri hentugri ferju”. Að auki hefur Vegagerðinni ekki tekist að fá verksala til þess að gera tilboð í aukaverk. Áætlaður kostnaður ferjunnar er kominn í 600 milljónir. En það er nákvæmlega sú upphæð sem nefnd á vegum samgönguráðherra áætlaði að ný ferja mundi kosta. Nefndi mælti með því að ný ferja yrði keypt en sú leið var ekki farin.

Fyrir þessi afrek fær vegagerðin tvo banana af fimm mögulegum.

Samgönguráðuneytið kom seint og síðarmeir fram með kröfur um hvernig ferjan á að vera og hækkar það vitanlega kostnaðinn við viðgerð ferjunnar gríðarlega. Reyndar er svo komið að nær væri að tala um endurgerð. Síðan skamma þeir að sjálfsögðu Vegagerðina fyrir að standa ekki við fyrri áætlanir. 

Fyrir þetta fær Samgönguráðuneytið fimm banana af fimm mögulegum.

Segir samgönguráðherra gera sig að blóraböggli í málinu

Bæjarstjórinn grípur til sinna ráða

Það hefur talsvert verið rætt hér á Akureyri um ákvörðun bæjarstjórans að banna fólki á aldrinum 18-23 ára að tjalda á tjaldstæðum bæjarins um verslunarmannahelgina. Sitt sýnist hverjum um þetta mál og langt frá því að allir bæjarbúar séu sammála um hvort að þetta hafi verið rétt ákvörðun. Ég er sammála því að það eigi að breyta þessari hátíð þannig að hún höfði betur til fjölskyldufólks. Hins vegar var umrædd ákvörðun móðgun við þá sem vildu koma til bæjarins en voru ekki velkomnir. Auk þess ber allt í kringum þessa ákvörðun merki um lélega stjórnsýslu. 

Það er ástæða fyrir því að í lýðræðisþjóðfélögum eru pólitískar ákvarðanir ekki teknar af einstaklingum heldur breiðum hópi fólks. Það er einnig ástæða fyrir því að þessi breiði hópur tekur ekki ákvörðun fyrr en eftir umræðu um málið þar sem að ýmis sjónarmið eru vegin og metin og staðreyndir lagðar fram. Fari menn ekki leið lýðræðisins aukast líkurnar á röngum ákvörðunum og þetta mál er gott dæmi um það.

Því fær þessi ákvörðun fullt hús eða fimm banana.